বিহংগ

কোনেনো ৰাখিব পাৰে আবদ্ধ কৰি

নীলা আকাশ ভেদী উৰা মৰা এই 

    স্বপ্নাতুৰ মন ;

আমি এজাক বিহংগ 

উচ্চাকাংক্ষাৰে ভৰা আমাৰ প্ৰতি অংগ

মন গলেই মেলি দিম ডেউকা

    সীমাহীন দিগন্তলৈ ।

সেইয়া , দিগবলয়ত দেখিছোঁ 

এমুকুৰা সৃষ্টিৰ সন্ধান 

নাশিৱ লাগিব সকলো সন্ত্ৰাস ,

তুলি লোৱা , অহিংসাৰ অস্ত্ৰ 

ছিঙি দিয়া বান্ধোন 

ওলাই আহা আমাৰ সৈতে 

      এজাক পৰিভ্ৰমীৰ দৰে ।

এতিয়া আমি মুক্ত 

সৃষ্টিৰ পম খেদি 

এতিয়া আমি সুদূৰ দিগন্তত  ।।

       ~মনোজ