অনুভৱৰ বৰষা
এটি নিৰৱধি স্বৰৰ আৱাহন
আজি চিৰ প্ৰবাহমান !
আজি অস্থিৰ মন আকাশ
অহৰহ এই সুৰৰ আভাস !
মেঘৰ বিস্তীৰ্ণ মেলা
এটি শুভ্ৰ বলাকাৰ আভা,
এধানি সজল ৰাগিৰ অপেক্ষা !
এটি মিঠা কাহিনীৰ হাবিয়াস
'অনুভৱ'ক এবাৰ চুই চোৱাৰ হেঁপাহ
আজি সপোনবোৰে পোখা মেলিছে,
আশাবোৰেও প্ৰাণ পাই উঠিছে
বিৰিঙিব লৈছে এটি হাঁহি !
সৌৱা চোৱা ; মেঘৰ মেলাত
একাচলি ৰ'দৰ লুকাভাকু
সমীৰৰ অসীম উন্মাদ
নাই কোনো ধুমুহাৰ দাবানল !
মোৰ ডেউকাখন সৰু যদিও,
আকাশ চুব নোৱাৰিলেও
প্ৰবল হেঁপাহ ;
তোমাক এবাৰ চুই চোৱাৰ !
মোৰ আধালেখা কাহিনীত
নাই কোনো শব্দৰ প্ৰৱণতা,
মাথোঁ নিশব্দতা ...নিশব্দতা ...
সেয়া পৰিধি ভাঙি নামি আহিল
মোৰ 'অনুভৱ'ৰ বৰষা,
পূৰণ কৰিবলৈ কাহিনীৰ ভৰসা ...।।
~ মনোজ / @bemyscript
Comments
Post a Comment