প্ৰহেলিকা

নিয়মৰ কিছুমান জটিল চুক্তি

এক গভীৰ পাকচক্ৰ !

এফালে যদি অস্তিত্বৰ সংকট 

আনফালে আকৌ লালসাৰ উত্তাপ ,

হিংসা-বিদ্বেষ , অসুয়া-অপ্ৰীতি

ক'ত পাম পাৰাপাৰ

ক'ত পাম মুক্তি 

ক'ত !

সৌৱা দেখিছানে পাহাৰখন ?

আৰু আকাশখন ,

উদাৰ , পৰিষ্কাৰ !

মেঘৰ উষ্ম আলিংগন ,

বৰসাৰ হেঁপাহৰ জোৱাৰ 

আজি কিহৰ বাবে এয়া ?

এফালে যদি মৃত্যুদূত ,

আনফালে আকৌ কিছু শান্তিৰ শ্ৰুত 

এটি প্ৰহেলিকা , 

যাৰ উত্তৰ হয়তো আজি সকলোৰে হাতত 

সময় মাথোঁ বিবেচনাৰ !

~ মনোজ