বন্দীত্ব

পুৱতি নিশা ,

     এটি স্বপ্নৰ আতংক,

জাগ্ৰত মনৰ সংশয় ;

মৰিশালি আশাবোৰৰ

পাশাখেল বন্দীত্বৰ ,

এয়া ৰাজনীতি কিহৰ !

আপোনজনৰ অভিমান 

নে বিলাসীতাৰ লালসা ?

আজি ৰুদ্ধ উশাহ ,

      স্তব্ধ হেঁপাহ

নিষ্পাদ ভাষা ,

      নিহত মোৰ আশা 

বন্দীৰ শিকলি ,

      হতাশাৰ ফেহুজালি !

বতৰটো বৰকৈ গোমা ,

   সেমেকা মনাকাশ

কুলিজনীৰ আকৌ বিষাদ ,

   কপৌ পাহিৰ বিবাদ !

মেঘৰ সংঘাত ,

বিজুলীৰ শংকা 

হয় , এয়া বৃষ্টিৰেই সংবাদ 

ঘূৰি আহিবনে , নতুন দিগন্তৰ বাট ?

~ মনোজ