প্ৰাৰ্থনা~A prayer

বিচাৰি ফুৰিছোঁ,

    কিছু শান্তিৰ স্নিগ্ধতা

    এপলক আনন্দৰ জিলিকণি

    হেৰুৱা স্মৃতিৰ নিজৰা

আৰু,

    সেই কৰুণামণ্ডিত নয়নজুৰি

    মোৰ স্বপ্নৰ আকুলতা

    কিছু জীৱন্ত , কিছু অনন্ত

কেনেকৈনো বুজাম,

    এয়া যে অনিৰ্বচনীয় !

এয়া মোৰ নীৰৱ ধ্যান

    ঠিকনাৰ সন্ধান

স্বতঃস্ফূৰ্ত , চিন্তাহীন আৰু শব্দহীন !

হঠাৎ , কি এয়া

   ক'ত মই ?

এক নতুনত্ব 

মোৰ স্বপ্নৰ সত্যতা

এটি বাঙ্ময় নীৰৱতা,

নাই কোনো মনৰ অস্থিৰতা

চৌদিশে কেৱল এটি উদ্ভাসিত চেতনা 

ঘূৰাই পোৱাৰ অপ্ৰাণ বাসনা 

আৰু , মিলনৰ অবুজ হাবিয়াস

হয় , এয়া এটি প্রার্থনা ,

       প্ৰাৰ্থনা !

~ মনোজ