অপেক্ষা

  এটি নিৰাকাৰ প্ৰতিমূৰ্তি

শেষৰাতি , অনবৰতে মোক খেদি ফুৰা এটি স্বপ্ন

কিহৰ বেদনাত আজি বৃন্তচ্যুত হেজাৰ গোলাপ ?

কি তাড়নাত স্তব্ধ এই মধ্যচ্ছদাৰ লয়লাস ?

  কোনেনো জানে !

কাৰ কি হাবিয়াস ।

সেই যে সন্ধিয়াটো ,

   এজাক ৰঙীন বৰষুণ

কিছু নিশব্দতা আৰু তুমি 

    জানা ! 

আজিও জীৱন্ত মোৰ হৃদয়কোনত ।

আকৌ আহিবাচোন ...

   এটি মধুৰ সন্ধ্যাত 

হেঙুল ৰঙত বিলীন হ'বলৈ

সময়ৰ হাকুটিয়ে নমাই অনা সুৰুযৰ

অন্তিম ৰহণ বুটলিবলৈ !

মাথোঁ অপেক্ষা ....

~মনোজ