PROHELIKA (গান)

||   দিশহাৰা মই,

বিচাৰিছোঁ হেৰুৱা সময়

জীৱনৰে উন্মাদনাৰ

  অনুৰণন...

সপোনৰে সেই 

প্ৰহেলিকা খেদি খেদি মই

ভাগৰিছোঁ জীবনৰে এই

   দোমোজাতে...  ||

||  আজি মোৰ কবিতা ছন্দহীন

বিচাৰি নোপোৱা অন্তঃমিল

শান্তি বিচাৰি ফুৰা মোৰ এই প্ৰহৰ...

আজি মোৰ প্ৰতিঘাত অন্তহীন

  বিচাৰি ফুৰিছোঁ সমিধান

জীৱনৰ অনুতাপ কিয়নো গতিশীল ?  ||

||  যাযাবৰী জীৱনে কয়

কোন তোমাৰ সাৰথি

এন্ধাৰৰ মাজে মাজে

কিমান দূৰ পালাহি (2) ||

|| এতিয়া শূন্যতা চৌদিশে 

আঁকোৱালি লোৱা নীৰৱে

অসীমৰ বিহগে দিব খুজিছে এই খবৰ ...||

...

||  আজিও ৰৈ আছোঁ মই

পোহৰৰ অনুৰাগী হৈ

সপোনৰ অভিমানে

শিপালে শিহৰণি নৈ ......||

@ মনোজ

ই এটি প্ৰশ্ন, সেয়া জীৱন ; এটি সাঁথৰ , যাৰ উত্তৰ নিৰন্তৰ । এন্ধাৰৰ মাজেৰে শূন্যতাক আঁকোৱালি শান্তিৰ সন্ধানত এয়া এক অন্তহীন যাত্ৰা । পোহৰৰ অনুৰাগী হৈ হেৰুৱা সময় ঘূৰি অহাৰ অপেক্ষাত কটোৱা এয়া এক নৈ:শব্দ প্ৰকাশ...