অভ্যস্ত

হুলস্থুলবোৰ আজিকালি ভাল লাগে

ভাল লাগে পুতিগন্ধ নিশাৰ ৰসাল কাহিনীবোৰ 

ভাল লাগে এন্ধাৰত বিচৰা ভৱিষ্যতৰ ছবিবোৰ ;

অভ্যস্ত মই,

অভ্যস্ত শুকান চকুবোৰত

অভ্যস্ত ধোঁৱাৰ লগত

অভ্যস্ত নিজৰ ৰণখনত ;

সুদূৰত মোৰ আপোনজন পানীত ককবকাইছে

আৰু ইয়াত মই যোৱাটো আহিনৰ কথা কৈছো,

অস্তিত্ব হেৰুৱা জামু জোপাৰ কথা কৈছো

সময় বেলেগ যদিও দুখবোৰ একেই ;

কত সপোনক ভৰিৰে মোহাৰি সন্মুখীন হৈছো সত্যৰ

কত আশাক বুকুত হেঁচুকি বিলীন হৈছো ধ্বংসত,

কিয় নাজানো, নীৰৱতা আজিকালি ভাল নালাগে

নীৰৱতাত প্ৰবোধ থাকে

নীৰৱতাত শংকা থাকে ....

@ মনোজ